السبت 10 ديسمبر 2022

ميار الببلاوي: نشوى مصطفى خدعتني وخلتني ألبس الحجاب

ميار الببلاوي
ميار الببلاوي

كشفت الفنانة ميار الببلاوي، عن أزمتها مع الفنانة نشوى مصطفى، والتي حدثت في الآونة الأخيرة.

ميار الببلاوي تثير الجدل

قالت ميار الببلاوي، خلال حوارها مع الإعلامية مروة صبري، في برنامجها قعدة ستات، المذاع عبر شاشة قناة القاهرة اليوم، إنها كانت تجمعها علاقة صداقة قوية في بدايتهما الفنية مع نشوى، حيث هي من نصحتها بـ ارتداء الحجاب.

وأضافت ميار الببلاوي، أن نشوى مصطفى، صاحبة عمري واشتغلنا وبدأنا مع بعض، وكانت حياتنا لذيذة لدرجة إنها كانت ورا قرار اتخاذي الحجاب، هي خدعتني خلتني أتحجب وهي كملت في الوسط.

وأوضحت ميار الببلاوي: "أنا قُلت لها زمان إن خطيبي اللي هو أبو ابني دلوقتي، مش عايزني أسيب الشغل، قالتلي وإيه يعني إحنا ناس لو اختفينا مش هيتحس إننا اختفينا والموضوع أصلًا مش هيستمر وكلها كام سنة والناس مش هتتعرف علينا، واللي باقي البيت والعيال".

وأشارت: "أنا روحت قعدت أفكر في كلامها وخدت قرار الجواز والحجاب، وقتها كنا بنصور مسلسل وقعدنا مع بعض في البريك بين المشاهد وهي أقنعتني بموضوع الحجاب، لأنها كانت بتنصحني بمنتهى الأمانة".

ونوهت: "عمري ما ندمت على الحجاب، ولكن هي نصحتني بحاجة وأنا مقدرة، ولما حصل الموقف أنا اتصدمت لأني مكنتش متخيلة إنها الشخصية الخدومة الجدعة اللي دمها خفيف صاحبة صاحبها تعمل كده".

وبينت ميار الببلاوي: "أنا بتكلم إننا كنا قد إيه إحنا أصحاب وأنا كنت بحكي لها أسراري وإحنا مع بعض في الشغل، وخدت معاها قرار مصيري في حياتي، لما هي قلبت عليا القلبة دي والدنيا اتقلبت ومذيعين الإخوان والكوميكس وبقوا يقولوا شوفوا ممثلة محجبة بتعمل إيه؟".

واستطردت: "الموضوع بمنتهى البساطة أنا أيام الكورونا جت الراقصة دينا قالت إحنا بنيجي على نفسنا وبننزل علشان نسعدكم في رمضان، أنا اللي ده في دماغي إنه لأ إنتي متنزليش وتعرضي نفسك للخطر، رمضان هيجلنا سواء كان فيه مسلسلات ولا مفيش مسلسلات، ولكن حرام تضيعي نفسك، رمضان هيجي من غير مسلسلات وده شهر طاعة".

واختتمت ميار الببلاوي: "الموضوع كان كبير، ونشوى علقت على الموضوع ده، وبعدين أنا كلمتها قالتلي لأ أنا مش زعلانة وصفينا كل حاجة، ولكن أنا اتصدمت لأن لما جه رمضان اللي بعده ونزلت صورت وقُلت مسلسلي في رمضان، هي قالت إنتي إزاي تنزلي تصوري في رمضان، مش قُلتي إن رمضان شهر عبادة، طب هو علشان رمضان شهر عبادة يبقى مشتغلش؟".