مش هعمل غلط وأنا صايمة.. ميار الببلاوي تثير الجدل بذكرياتها عن مشاهد خارجة
تصدرت الفنانة والإعلامية ميار الببلاوي تريند على مؤشر البحث جوجل ومواقع التواصل الاجتماعي بتصريحات لها عبر التليفزيون.
كشفت الفنانة ميار الببلاوي عن مشاهدها الجريئة في فيلم "ديسكو ديسكو" الذي عرض في عام 1993 م من خلال استضافتها في برنامج "قعدة ستات" مع الإعلامية مروة صبري .
وقالت: “الفيلم معظمه اتصور في رمضان، وأنا عندي عقدة من التصوير في رمضان رغم أني كنت شابة ولسه بلبس وكده، ولكن مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده وزعقتلي وقالتلي امشي البسي المايوه التاني”.
وأضافت: "أنا كنت رافضة أصور المشهد ده لدرجة اني حبست نفسي في الحمام وفضلو يخبط عليا و كنت مستنية المغرب يأذن الأول وبعدها نصور المشهد، عشان لو بعمل حاجة غلط متبقاش في نهار رمضان واحنا صايميين".
تصريحات ميار الببلاوي عن الفنانة نجلاء فتحي.
وتطرقت بحديثها عن الفنانة نجلاء فتحي، واستكملت: "قالتلي رمضان ده علشان الناس الفقراء، والناس الأغنياء بيعملوا نفسهم بياكلوا قدام الفقراء، رمضان بتاع الفقراء أحنا عندنا أكل نصوم ليه".
وعلقت ميار الببلاوي على اتهامها بالإساءة لنجلاء بدر "والله ما قصدت أي إساءة للأستاذة العظيمة اللي بكنلها كل احترام وتقدير، بس المذيعة هاجمتني فأنا حكيت اللي حصل بس، والله طبعا أنا ساعتها كنت عيلة صغيرة ولا بفهم في الدين"
وابتعدت ميار الببلاوى عن الفن والتمثيل وارتدت الحجاب وبعد ارتدائها للحجاب قدمت بعض المسلسلات الدينية بالحجاب وبعد ذلك اعتزلت وبدأت تتجه للإعلام نحو البرامج.
من هي ميار البباوي؟
هي ممثلة مصرية ولدت الفنانة ميار الببلاوى في يوم 24 ديسمبر 1972 م في محافظة أسيوط، واسمها بالكامل منال محمد توفيق واعر الببلاوي. درست بكلية الآداب قسم الدراسات اليونانية، ثم انتقلت للسينما المصرية وبدأت مسيرتها الفنية في عام 1992 من خلال دورها في مسلسل "الإمام الأعظم أبوحنيفة النعمان" مع الفنان الراحل محمود ياسين، ومن أبرز أعمالها " بريق في السحاب - أجنحة الشمس - دماء على الثوب الأبيض - زوجتي والذئب"، وشاركت بعدد ليس بقليل من الأعمال في المملكة العربية السعودية.
